Կարեվոր
ԱԱԾ նոր տնօրեն, նոր ոստիկանապետ և ԳՇ նոր պետ. Փաշինյանը հայտարարել է անունները
Վարչապետ Նիկոլ Փաշինյանը ֆեյսբուքի իր էջում գրել է.
«Սիրելի հայրենակիցներ, մի շարք կարեւոր որոշումներ եմ կայացրել: Ըստ այդմ՝
Գեներել-լեյտենանտ Օնիկ Գասպարյանը նշանակվում է ԶՈւ Գլխավոր շտաբի պետ:
Գնդապետ Արգիշտի Քյարամյանը նշանակվում է ԱԱԾ տնօրեն:
Գնդապետ Վահե Ղազարյանը նշանակվում է Ոստիկանության պետ:
Որոշումները դե յուրե ուժի մեջ կմտնեն Հանրապետության նախագահի կողմից ստորագրվելուց հետո:
Գեներալ-լեյտենանտ Արտակ Դավթյանին, գնդապետ Էդուարդ Մարտիրոսյանին, գնդապետ Արման Սարգսյանին շնորհակալություն եմ հայտնում այս ընթացքում կատարած աշխատանքի եւ ներդրած ջանքերի համար»:
Հիշեցնենք, որ քիչ առաջ գրել էինք, որ ԱԱԾ տնօրեն Էդուարդ Մարտիրոսյանը և ԳՇ պետ Արտակ Դավթյանն ազատվել են պաշտոնից: