Երջանիկ Աբգարյան. «Առաջարկում եմ Քոչարյանի դեմ ավելացնել ևս երկու մեղադրանք»
Ես ամիսներ առաջ Քոչարյանի առաջին ձերբակալությունից եւ բաց թողելուց հետո գրառում էի արել այն մասին, որ նա կատարել է բազմաթիվ պետական եւ քրեական հանցագործություններ եւ սխալ է նրա հարցով դատարան մտնելը միայն մեկ մեղադրանքով: Վերջապես հարուցվեց եւս մեկ մեղադրանք, բայց դա էլ բավարար չէ:
Առաջարկում եմ ՀՀ Գլխավոր դատախազությանն այս փուլում ավելացնել եւս երկու մեղադրանք: Դրանք են՝
1. ՀՀ-ի պետական սեփականություն հանդիսացող կարեւորագույն ձեռնարկությունները կեղծված պետական «պարտքի դիմաց» օտար պետությանը հանձնելը որպես վերջինիս պետական սեփականություն: Սա նշանակում է երկրում ունենալ տարածքներ եւ կառույցներ, որոնք դուրս են ՀՀ իրավասության ոլորտից եւ հայտնվել են օտար պետության իրավասության տակ: Սա ծանրագույն հանցագործություն է՝ պետական դավաճանություն: «Պարտքը» մոգոնվել է Քոչարյանի հրամանով, իսկ իրագործումը կատարվել Ս. Սարգսյանի միջոցով:
2. Քոչարյանի թիկնապահ Կուկուի ձեռքով Պողոս Պողոսյանի սպանությունը: Առանց հրամանի այդ թիկնապահը շարժառիթ չէր կարող ունենալ ետ վերադառնալ Առագաստ սրճարան եւ քստմնելիորեն սպանել մեկին, որին երբեք չէր ճանաչել: