«  Ապրիլ 2019  »
ԵրկԵրքՉրքՀնգՈւրբՇբԿիր
1234567
891011121314
15161718192021
22232425262728
2930

Яндекс.Метрика

Գագիկ Ծառուկյանը եկել էր ԱԺ ելույթ ունենալու համար

Գագիկ Ծառուկյանը եկել էր ԱԺ ելույթ ունենալու համար

Հատուկ եկել եմ ելույթ ունենամ, գնամ, ինձ սպասում են: Այս մասին, այսօր՝ ապրիլի 19-ին, ԱԺ-ում լրագրողների հետ զրույցում նշեց ԲՀԿ առաջնորդ Գագիկ Ծառուկյանը:

«Այնտեղ իմ գործընկերները նախատեսել են բամբակի արտադրություն, որը սովետական միության ժամանակ եղել է: Ցեմենտի մասին որ այսօր խոսվում է, որևէ մեկին վիրավորելու բան չունեմ, բայց այսօր պետք է քննարկվի իրականությունը, ռեալացվի: Եկել եմ այդ թեմայով ելույթ ունենամ, որ գնամ»,-նշեց Ծառուկյանը:

Ծառուկյանը «Իմ քայլը» խմբակցությանը հիշեցրեց, որ ցեմենտի մեկ տոննայի ներկրման համար 22 հազար դրամ սահմանելու օրենքի նախագծի ընդունումից հետո իրենք են լինելու հետևանքների պատասխանատուն:

Մի հատ Հրազդանի գործարանին զանգեք, տեսեք՝ ինչ ա կատարվում, կարողանում ե՞ն ցեմենտի ինքնարժեքը իջացնել։ Եթե «Իմ քայլը» որոշում ա, որ կլինկերը չհարկվի, եթե դրանով վաղը շինարարությունը կէժանանա, պատասխանատուն իրանք են, թող անեն, մեր ժողովուրդը 80 տոկոս ձայն ա տվել, պատասխանատուն «Իմ քայլն» ա, մենք առաջարկում ենք մեր տեսակետը, եթե չեն լսում, թող տենց անեն»,-ասաց Գագիկ Ծառուկյանը։

Անդրադառնալով երեկ վարչապետ Նիկոլ Փաշինյանի հետ հանդիպմանը նա ասաց.

«Երեկվա հանդիպումը եղել է շատ ջերմ, քննարկել ենք հիմնականում ներդրումների հարցը և ցեմենտի գործարանի հետ կապված խնդիրը»:

Նշենք, որ «Բարգավաճ Հայաստան» խմբակցությունն առաջարկում է ցեմենտի հետ միասին պետական տուրք սահմանել նաև ցեմենտի ստեղծման հումք հանդիսացող կլինկերի համար: