Գագիկ Խաչատրյանը կալանավորվեց

Երևան քաղաքի ընդհանուր իրավասության դատարանում՝ նախագահությամբ դատավոր Արտուշ Գաբրիելյանի, ավարտվեց  ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանի խափանման միջոց ընտրելու ԱԱԾ-ի միջնորդության քննությունը:

Դատարանը բավարարեց միջնորդությունը, և Գագիկ Խաչատրյանը կալանավորվեց:

Հիշեցնենք՝ ԱԱԾ տնօրենը հայտարարել է, որ Գագիկ Խաչատրյանը կասկածվում է տասնյակ միլիոնավոր դոլարներ չարաշահելու մեջ: 

Ավելի վաղ կալանավորվել է նաև Գագիկ Խաչատրյանի եղբորորդին՝ Կարեն Խաչատրյանը․ դատարանը բավարարեց Ազգային անվտանգության ծառայության քննիչի  միջնորդությունը: Կարեն Խաչատրյանը զբաղեցրել է ՊԵԿ Ներքին անվտանգության վարչության պետի պաշտոնը և մեղադրվում է առանձնապես խոշոր չափով վատնում կատարելու մեջ: