«Հելսինկյան ասոցիացիան» ստանձնել է Մարտի 1-ի դեպքերով տուժող Անդրանիկ Հարությունյանի շահերի պաշտպանությունը
«Հելսինկյան ասոցիացիա» իրավապաշտպան ՀԿ փաստաբան Արա Ղարագյոզյանն այսօրվանից ստանձնել է 2008թ․ մարտի 1-ի դեպքերով տուժող Անդրանիկ Հարությունյանի շահերի պաշտպանությունը։
Հելսինկյան ասոցիացիան շարունակելու է հետեւել գործի ընթացքին եւ դրա քննության հետ կապված ցանկացած ապօրինության դեպքում բարձրաձայնել։
Անդրանիկ Հարությունյանը 2008 թվականի մարտիմեկյան իրադարձությունների ժամանակ 17-ամյա պատանի է եղել։ Մարտի 1-ի երեկոյան՝ ժամը 23։00-ի հատվածում, Լեո փողոցի մոտ վիրավորվել է՝ ոստիկանների հարձակման հետևանքով։ Վնասվել է Անդրանիկի աչքը, այն կուրացել է:
Հիշեցնենք, որ կառավարության որոշմամբ 2008 թվականի Մարտի 1-ի իրադարձությունների մահացած անձանց իրավահաջորդները կստանան 30.000.000 դրամ, առողջությանը ծանր վնաս հասցված անձինք՝ 15.000.000 , առողջությանը միջին ծանրության վնաս ստացածները` 5.000.000 դրամ փոխհատուցում