«  Հունիս 2019  »
ԵրկԵրքՉրքՀնգՈւրբՇբԿիր
     12
3456789
10111213141516
17181920212223
24252627282930

Яндекс.Метрика

Հրաժարական են տվել Մոլդովայի Սահմանադրական դատարանի անդամները

Հրաժարական են տվել Մոլդովայի Սահմանադրական դատարանի անդամները

Մոլդովայում երեկ, հունիսի 26-ին հրաժարական են տվել Սահմանադրական դատարանի անդամները: Ազդարարված է Սահմանադրական դատարանը նոր դատավորներով համալրելու գործընթացի սկիզբը:

Նախագահ Իգոր Դոդոնը ողջունել է ՍԴ անդամների այս որոշումը:

«Ես ողջունում եմ Մոլդովայի Սահմանադրական դատարանի թեկուզև ուշացած այս որոշումը: Սա միակ խելամիտ լուծումն էր ստեղծված իրավիճակում: Դատավորների նշանակման համար պատասխանատու մարմինները (Խորհրդարանը, Կառավարությունը և Մագիստրատների գերագույն խորհուրդը) պետք է հրատապ կարգով ձեռնամուխ լինեն Բարձր դատարանի դատավորների նշանակման գործընթացին: Նոր դատավորների նշանակումը հատկապես կարևոր խնդիր է պետության վերջին իրադարձությունների լույսի ներքո, նաև արտաքին գործընկերների առաջարկած տարբերակներից:

Այսպիսով, այս գործընթացի առանցքում պետք է լինեն բարեվարքության, մասնագիտական ձեռնհասության, անբասիր վարքի և, ամենակարևորը, անաչառության չափանիշները:

Ցանկանում եմ համոզմունք հայտնել, որ Սահմանադրական դատարանի նոր կազմը կլինի անկախ, և կկատարի Սահմանադրության գերակայությունը երաշխավորելու իր վեհ առաքելությունը, կգործի Գերագույն օրենքի համաձայն և ԿԲԱՑԱՌԻ ՔԱՂԱՔԱԿԱՆ ԱԶԴԵՑՈՒԹՅՈՒՆՆԵՐԸ ԵՎ ԿՈՒԼԻՍԱՅԻՆ ԽԱՂԵՐԸ», - ասել է Մոլդովայի նախագահը:

Լուսինե Հակոբյանի ՖԲ էջից