Կառավարության անդամների ճեպազրույցները (տեսանյութ)

Պաշտոնական 11.11.2021   13:34   72

ՀՀ Անվտանգության խորհրդի քարտուղար Արմեն Գրիգորյանն այսօր լրագրողների հետ ճեպազրույցում պատասխանեց հարցին, թե միջպետական հստակեցված սահմանի բացակայության պարագայում ինչի հիման վրա է որոշվել, որ Գորիս-Կապան ավտոճանապարհի այսպես կոչված` Էյվազլիի հատվածը պատկանում Ադրբեջանին։
«Ընդհանուր առմամբ կա ողջամտություն, և այդ ողջամտության տրամաբանությունը խորհրդային ժամանամներում գոյություն ունեցած սահմաններն են։ Մենք ելնում ենք այդ տրամաբանությունից, այսինքն` հասկանալի է, որ սահմանագծման ու սահմանազատման գործընթաց մենք չենք անցել, բայց ունենք մոտավոր պատկերացում այդ սահմանի մասին, որի հիմքը 1920-ական թվականների քարտեզն է»:

ՀՀ ԱԽՔ-ը նշեց, որ Ադրբեջանն այս պահին դեռ ամբողջությամբ չի տեղեկացրել, թե ինչ ընթացակարգ է նախատեսում կիրառել ՀՀ քաղաքացիների նկատմամբ, բայց Գրիգորյանի մեկնաբանմամբ, տրամաբանությունը հուշում է, որ ընթացակարգը վերաբերում է նրան, որ ՀՀ քաղաքացիները որոշակի վճար վճարելու դեպքում կարող են անցնել Գորիս Կապան ճանապարհով։
«Բայց քանի որ մենք ունենք այլընտրանքային ճանապարհ, այսինքն` Կապան–Տաթև ճանապարհն ամբողջությամբ վերանորոգված ու երեկ հայտարարել ենք, որ այն արդեն բացված է, քաղաքացիների համար հարմար է, որ օգտվեն այդ ճանապարհից»,– ասաց նա։

Հիշեցնենք, որ ադրբեջանական կողմը կեսգիշերից մաքսակետեր է տեղադրելու Գորիս-Կապան ավտոճանապարհին։ Ճանապարհը այս պահին չի օգտագործվում հայկական պետհամարանիշներով ավտոմեքենաների կողմից։ 

Ավելին՝ տեսանյութում

 Լուսանկարներ

  Կիսվեք սոցցանցերում


 Պիտակներ
         ԱԽՔ Արմեն Գրիգորյան, կառավարություն, ճեպազրույցներ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon