Լուսադեմին թշնամական ուժերը հարվածներ են հասցրել Շուշիին ու Ստեփանակերտին (տեսանյութ)

Պաշտոնական 17.10.2020   09:33   540

Գիշերվա ընթացքում արցախա-ադրբեջանական հակամարտության գոտում պահպանվել է հարաբերական կայուն լարվածությունը: Տեղեկությունը հայտնում է Արցախի պաշտպանության բանակի մամուլի ծառայությունը:

«Օպերատիվ-մարտավարական իրադրությունում էական փոփոխություններ չեն արձանագրվել»,- նշված է հաղորդագրության մեջ:

ՊԲ-ն տեղեկացնում է, որ լուսադեմին թշնամին հերթական անգամ խախտել է հումանիտար հրադադարն ու վերսկսել են հրթիռահրետանային հարվածները խաղաղ բնակավայրերի ուղղությամբ:

Առավել ինտենսիվ հարվածներ են հասցվել Ստեփանակերտի և Շուշիի քաղաքացիական ենթակառուցվածքներին:

«Շուշիին ու Ստեփանակերտին հարվածել են ավելի հզոր միջոցներով», հաղորդել է ՀՀ ՊՆ ներկայացուցիչ Արծրուն Հովհաննիսյանը:

ՊԲ ստորաբաժանումները դիմել են համարժեք գործողությունների հակառակորդին լռեցնելու համար։

Ներկա պահին օպերատիվ-մարտավարական իրադրությունը ՊԲ ստորաբաժանումների վերահսկողության ներքո է:

Տեսանյութում՝ «թշնամու ձեռագիրը. գիշերը ադրբեջանական զինուժը, հերթական անգամ խախտելով հումանիտար հրադադարը, հրթիռակոծել է Արցախի խաղաղ բնակավայրերը, այդ թվում՝ մայրաքաղաք Ստեփանակերտը», գրել է ՀՀ ՊՆ խոսնակ Շուշան Ստեփանյանը

 Լուսանկարներ

  Կիսվեք սոցցանցերում


 Պիտակներ
         պատերազմ Արցախում

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon