Քննարկվում է նաև Խնձորեսկ ու Քարահունջ համայքների ներառումը ցանկում (տեսանյութ)

Պաշտոնական 17.02.2021   13:00   75

Նախարարությունը քննարկում է նաև Խնձորեսկն ու Քարահունջը  համայքների ներառումը ցանկում
ՀՀ աշխատանքի և սոցիալական հարցերի փոխնախարար Դավիթ Խաչատրյանն այսօր հրավիրված ասուլիսում հայտարարեց, որ Սյունիքի մարզի Խնձորեսկ և Քարահունջ համայնքներն ամենայն հավանականությամբ կընդգրկվեն սահմանամերձ բնակավայրերի ցանկում։

«Գեղարքունիքի և Սյունիքի մարզի 39 բնակավայրեր ստացել են սահմանամերձ բնակավայրի կարգավիճակ, քանի որ հաշվառվել է սահմանից մինչև բնակելի տուն տարածքը։ Խնձորեսկը և Քարահունջը չեն ներառվել ցանկում, քանի որ այդ տարածությունը չափանիշներից ավելի մեծ էր։ Սակայն տարբեր արձագանքներ լսեցինք, հասկացանք, որ այդ գյուղերի հողատարածքներն են սահմանին մոտ, այսպիսով այժմ քննարկում ենք այդ գյուղերը ցանկում ներառելու հարցը», - ասաց նախարարը։

Նախարարությունը քննարկում է նաև Ակներ և Վերնիշեն համայքների ներառումը ցանկում։ Այդ դեպքում այս համայքները նույնպես սոցիալական աջակցություն կստանան կառավարությունից։

Արձագանքելով Կապան քաղաքը սահմանամերձ բնակավայր ճանաչելու հարցին՝ նախարարն ասաց, որ ցանկում ներառվել են բացառապես գյուղական բնակավայրերը, իսկ Կապանը քաղաք է։

Հիշեցնենք` ՀՀ կառավարության որոշմամբ հաստատվել է սոցիալական աջակցություն ստացող սահմանամերձ համայնքների ցանկը, ըստ որի` սոցիալական աջակցություն կստանան 77 բնակավայր։

Ցուցակում բացակայում են Խնձորեսկ և Քարահունջ բնակավայրերերը, և այդ փաստը բազմաթիվ դժգոհությունների պատճառ էր դարձել։ Մասնավորապես Խնձորեսկի գյուղապետ Երվանդ Մալունցը ֆեյսբուքի պաշտոնական էջում գրել էր, որ կառավարությունում գյուղի իրավիճակից տեղյակ չեն և չգիտեն, որ խնձորեսկցին իր սեփական դաշտում սեզոնային աշխատանքներ իրականացնելու հնարավորություն այլևս չունի։ Նշենք, որ սահմանամերձ բնակավայրերի ցանկում երկու քաղաք կա` Ճամբարակն ու Նոյեմբերյանը։

 Լուսանկարներ

  Կիսվեք սոցցանցերում


 Պիտակներ
         Հայաստան, Սյունիք, Քարահունջ, Գեղարքունիք, սահմանամերձ բնակավայրերի ցանկ, Դավիթ Խաչատրյան, Խնձորեսկ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon