Աշոտ Սարգսյան. Պատահական չէ, որ Փաշինյանը իրեն չընտրելու դեպքում սպառնում է Ադրբեջանի կողմից պատերազմով
Պատահական չէ ամենեւին, որ Ն. Փաշինյանը իրեն չընտրելու դեպքում սպառնում է Ադրբեջանի կողմից պատերազմով։
Կարծեմ 1999 կամ 2000 թվականին էր, որ առաջին անգամ մտա «Հայկական Ժամանակի» խմբագրատուն (մինչ այդ Փաշինյանը Լեւն Տեր-Պետրոսյանի եւ ՀՀՇ-ի ամենամոլի հակառակորդներից էր)։ Նրա գլխավերեւում Վազգեն Մանուկյանի նկարն էր կախված (հետո հանեց)։
1996-ի նախագահական ընտրությունների համար Վ. Մանուկյանի կազմած գործողությունների մի պլան էր գտնվել (1996-ի ավանտյուրայից հետո նրա գրասենյակում կատարված խուզարկությամբ), որի կետերից մեկն էլ մոտավորապես նույնն էր՝ իր հաղթանակն ապահովելու համար Ադրբեջանին պատերազմի դրդել Հայաստանի դեմ (այդ փաստաթուղթը մի քանի անգամ հրապարակվել է)։ Պարզապես, նա այնքան խելք ուներ, որ նման մի հրեշավոր ու զազրելի քայլի մասին գրել էր խիստ գաղտնի փաստաթղթում, Փաշինյանը իր նույնպիսի պլանը «հերոսաբար» հրապարակում է...