«Ովքեր կմասնակցեն կարգալույծի կողմից մատուցվող պատարագին՝ այլևս աղանդավորականի կողմից մատուցվող միջոցառման մասնակից են»
Փաստացի Հովհանավանքում Սուրբ Պատարագ մատուցել պատրաստվողը այլևս քաղաքացիական անձ է և ոչ հոգևորական, այսինքն՝ զրկված է քահանայական ծառայությունից և չունի որևէ իրավասություն սուրբ պատարագ մատուցելու և նման գործողությունը համարվում է կանոնական խախտում։
Ըստ Հայ Առաքելական Եկեղեցու կանոնների կարգալույծը հոգևորական է, որը զրկվել է իր քահանայական իշխանությունից և նրան արգելված է ցանկացած եկեղեցական խորհրդի մատուցում՝ մկրտություն, պսակ, հաղորդություն, առավել ևս՝ սուրբ պատարագ։ Ի՞նչ հետևանք ունի, եթե նա մատուցի պատարագ: Կատարած արարքը չի համարվում վավեր՝ ոչ աստվածաբանական, ոչ կանոնական իմաստով։ Նման քայլը դիտվում է որպես համառ հնազանդության խախտում և եկեղեցու բաժանման փորձ, որը կարող է գնահատվել նաև որպես աղանդավորական կամ հակաեկեղեցական գործողություն։
Այսպիսով կարգալույծ հոգևորականի կողմից, որը զրկվել է իր քահանայական իշխանությունից մատուցած որևէ մկրտություն, պսակ, հաղորդություն, առավել ևս՝ սուրբ պատարագ այլևս որևէ կապ չունի Հայ Առաքելական Եկեղեցու հետ և չի համարվում վավեր՝ ոչ աստվածաբանական, ոչ կանոնական իմաստով։
Փաստացի Փաշինյանը ով հայտարարել է, որ պատրաստվում է մասնակցել ՀԱԵ Հովհանավանքի պատարագին ոչ միայն պատրաստվում է մասնակցել այլ նաև խրախուսում և հովանավորում է ՀԱԵ-ի աստվածաբանական և կանոնական կարգին ամբողջությամբ հակասող, պառակտող գործողությանը, ինչը հստակ աղանդավորական բնունթի միջոցառում է: Երկար տևած հակաեկեղեցական արշավը ստանում է իր վերջնական նպատակի կոնտուրները:
Առաջին սերիան զավակ ունենալու և կուսակրոնության խնդիրն էր, չանցավ, չստացվեց տապալվեց:
Երկրորդ սերիան նախկինների հետ կապն ու ասոցիացիան էր, չանցավ չստացվեց, տապալվեց:
Երրորդ սերիայում այլևս որևէ բան թաքցնելու իմաստ և կարողականություն այլևս չկա և ամեն բան բաց, պարզ և անթաքույց է արվում: ՀԱԵ-ի պառակտումը, սաբոտաժը, սննկացումը բաց քաղաքական խնդիր է, որը պետք է լուծել համաձայն հանձնառության:
P.S. Բոլոր այն հայ մարդիկ և ՀԱԵ հետևորդները ովքեր կմասնակցեն այդ պատարագին, կամ կարգալույծի կողմից մատուցվող պսակին, մկրտությանը պետք է հստակ գիտակցեն, որ նրանք այլևս ՀԱԵ կողմից կարգալույծ եղած աղանդավորականի կողմից մատուցվող միջոցառման մասնակից են, որը որևէ կերպ առնչություն չունի ՀԱԵ-ի հետ։
Քաղաքագետ Վլադիմիր Մարտիրոսյան
Նշենք՝ հոկտեմբերի 21-ին Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի Հայրապետական տնօրինությամբ կարգալույծ է հռչակվել Տ․ Արամ քահանա Ասատրյանը:
Կարգալույծ եկեղեցականն այսուհետ կդասվի աշխարհականների շարքին՝ Ստեփան Ասատրյան ավազանի անունով: