Հայաստան
Եկեղեցին «մեր ձևով» պաշտպանելու համար կալանավորված Սամվել Կարապետյանը տեղափոխվեց տուն (տեսանյութ)
«Տաշիր գրուպի» սեփականատեր, գործարար Սամվել Կարապետյանը «Երևան Կենտրոն» քրեակատարողական հիմնարկից տեղափոխվեց տուն` աջակիցների ծափերի ու վանկարկումների ներքո:
Այսօր ավելի վաղ հաղորդվեց, որ դատարանը մասնակի բավարարել է գործարար Սամվել Կարապետյանի փաստաբանների միջնորդությունը՝ նրա նկատմամբ կիրառելով խափանման միջոց տնային կալանք և գրավ: Գլխավոր դատախազությունն այս որոշումը կբողոքարկի:
Իշխանությունը զավթելու հրապարակային կոչի համար մեղադրվող Կարապետյանը կալանավորված է 2025 թվականի հունիսի 18-ից: Նոյեմբերի 18-ի որոշմամբ կալանքը երկարաձգվել էր ևս երկու ամսով:
Եկեղեցին «մեր ձեւով» պաշտպանելու համար քրեական հետապնդման ենթարկվող գործարար Սամվել Կարապետյանի աջակիցները ծափողջյուններով դիմավորեցին նրան՝ իր տան դիմաց։