Հռոմի պապը Ստամբուլում ողջույններ է ուղարկել Ամենայն Հայոց Կաթողիկոս Գարեգին Երկրորդին (տեսանյութեր)
Հռոմի Պապ Լևոն XIV-ը Թուրքիա իր այցի վերջին օրը սկսեց աղոթքով Ստամբուլի Հայ առաքելական եկեղեցում։ Այս մասին հայտնում է Vatican News-ը։
Պապը ողջունել է Ամենայն Հայոց Կաթողիկոս Գարեգին Երկրորդին, ինչպես նաև Թուրքիայում գտնվող ամբողջ Հայ Առաքելական համայնքին։
Նա գոհություն է հայտնել Աստծուն «հայ ժողովրդի քաջարի քրիստոնեական վկայության համար պատմության ամբողջ ընթացքում, հաճախ՝ ողբերգական պայմաններում»։
Լևոն XIV-ը հիշեցրել է, որ Հռոմի պապի և Արևելյան ուղղափառ եկեղեցու պատրիարքի միջև առաջին համատեղ հռչակագիրը ստորագրվել է 1970 թվականի մայիսին՝ Պողոս VI պապի և Վազգեն I կաթողիկոսի միջև։
Հիշեցնենք՝ սեպտեմբերի 16-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը հանդիպում էր ունեցել Հռոմի Սրբազան Քահանայապետ Լևոն XIV-րդ Պապի հետ։
Ն.Ս.Տ.Տ. ԼԵՒՈՆ ԺԴ. ՔԱՀԱՆԱՅԱՊԵՏԻ ՈՒՂԵՐՁԸ
ՈՒՂՂԵԱԼ Ն.Ա.Տ. ՍԱՀԱԿ Բ. ՊԱՏՐԻԱՐՔ ՀՕՐ
Սիրելի՛ եղբայր ի Քրիստոս,
Մեծ ուրախութիւն է ինծի համար այցելել Ձերդ Ամենապատուութեան, եւ յատկապէս այցելել իմ նախորդներուս այս սրբազան վայրին մէջ, ուր անոնք հիւրընկալուած են երանաշնորհ Շնորհք եւ Մեսրոպ Բ. պատրիարքներու կողմէ, որոնց թանկագին յիշատակը կենդանի է մեր սիրտերուն մէջ:
Ողջունելով ձեզ՝ կը ցանկամ եղբայրական ողջոյններս յղել Ամենայն Հայոց Գարեգին Բ. Կաթողիկոսին, որ վերջերս պատուեց զիս իր այցելութեամբ, ինչպէս նաեւ Ստանպուլի եւ Թուրքիոյ ողջ Հայ Առաքելական համայնքին, եպիսկոպոսներուն եւ հոգեւոր հայրերուն:
Այս այցը հնարաւորութիւն կու տայ փառք տալու Աստուծոյ հայ ժողովուրդի պատմութեան ընթացքին յաճախ ողբերգական հանգամանքներու ներքեւ տուած քրիստոնէական քաջարի վկայութեան համար։ Միեւնոյն ժամանակ, ես կը ցանկամ իմ խորին երախտագիտութիւնը յայտնել Տիրոջը այն եղբայրական յարաբերութիւններուն համար, որոնք աւելի ու աւելի միաւորած են Հայ Առաքելական եւ Կաթոլիկ եկեղեցիները։ Վատիկանի Բ. ժողովէա անմիջապէս ետք՝ Մայիս 1967ին, Ն.Ս.Օ.Տ.Տ. Խորէն Ա. Կաթողիկոսը դարձաւ Արեւելեան Ուղղափառ Եկեղեցիի առաջին հայրապետը, որ այցելեց Հռոմի Եպիսկոպոսին՝ խաղաղութեան ողջոյն փոխանակելու համար։ Կը յիշեմ նաեւ, որ Մայիս 1970-ին Ն.Ս.Օ.Տ.Տ. Վազգէն Ա. Կաթողիկոս, Պօղոս Զ. Պապի հետ միասին, գրի առաւ Հռոմի Պապի եւ Արեւելեան Ուղղափառ Հայրապետի միջեւ ստորագրուած առաջին համատեղ հռչակագիրը՝ հրաւիրելով հաւատացյալները վերագտնել իրենց եղբայրութիւնը Քրիստոսի մէջ՝ միասնութիւնը խթանելու նպատակով։ Այդ ժամանակէն ի վեր, Աստուծոյ շնորհքով, մեր եկեղեցիներու միջեւ «սիրոյ երկխօսութիւն»ը ծաղկում կ’ապրի։
Միջեկեղեցական առաջին ժողովի 1700-ամեակի առթիւ իմ այցս հնարաւորութիւն կու տայ նշելու Նիկիական Հաւատոյ Հանգանակը։ Այս համատեղ առաքելական հաւատքէն ոյժ ստանալով՝ մենք պէտք է վերականգնենք այն միասնութիւնը, որ գոյութիւն ունէր Հռոմէական եկեղեցւոյ եւ հին Արեւելյան եկեղեցիներու միջեւ առաջին դարերուն։ Աւելին, առաջին եկեղեցւոյ փորձառութենէն ոգեշնչուած՝ մենք պէտք է վերականգնենք լիակատար միասնութիւնը. այս միասնութիւնը ձուլում կամ գերիշխանութիւն չ’ենթադրեր, այլ՝ ընդհակառակը, կը նշանակէ մեր եկեղեցիներու Սուրբ Հոգիէն ստացած պարգեւներու փոխադարձ կիսում՝ Հօր Աստուծոյ փառքին եւ Քրիստոսի մարմնի կառուցման համար (տե՛ս Եփեսացիներ 4.12): Յոյսով եմ, որ Կաթոլիկ եկեղեցւոյ եւ Արեւելեան Ուղղափառ եկեղեցիներու միջեւ աստուածաբանական երկխօսութեան համատեղ միջազգային յանձնաժողովը շուտով կարող է վերսկսիլ իր բեղմնաւոր աշխատանքը՝ «անշուշտ, միասին» փնտռելով լիակատար միասնութեան մոտել, ինչպէս ցանկացած է Հռոմի Յովհաննէս Պօղոս Բ. Պապը իր Ut unum sint (համար 95) հանրագիրին մէջ։
Երբ կը քալենք միասնութեան ճանապարհով, կայ «վկաներու մեծ բազմութիւն», որ մեզ կը նախորդէ եւ կը շրջապատէ (Եբրայեցիներ 12.1): Հայոց սուրբերու շարքին ես յատկապէս կը փափաքիմ յիշել Ներսէս Դ.ին՝ ԺԲ. դարու մեծանուն կաթողիկոսին եւ բանաստեղծին, որու մահուան 850-ամեակը վերջերս նշեցինք։ Ան անխոնջ աշխատանք տարած է եկեղեցիները հաշտեցնելու գործին մէջ եւ ձգտած է կատարել Քրիստոսի աղօթքը, որ «բոլորը մէկ թող ըլլան» (Յովհ. 17.21): Սուրբ Ներսէսի օրինակը թող ոգեշնչէ մեզ եւ անոր աղօթքը լիակատար միասնութեան ճանապարհին թող զօրացնէ մեզ ։
Շնորհակալութիւն Ձերդ Ամենապատուութեան ջերմ ընդունելութեան համար եւ կը վստահեցնեմ, որ ես կը շարունակեմ ամբողջ սրտով աշխատիլ քրիստոնէական միասնութեան սրբազան գործի համար: Եկէք ընդունինք այս երկնային պարգեւը բաց սրտով, որպէսզի դառնանք Աւետարանի ճշմարտութեան աւելի համոզիչ վկաներ եւ Քրիստոսի մէկ Եկեղեցիին առաքելութեան աւելի լաւ կառավարիչներ: