Կաթողիկոսին վերագրվող նման արտահայտությունների շրջանառման նպատակն է վարկաբեկել և թշնամանք հարուցել Եկեղեցու և եկեղեցականների նկատմամբ
Ի պատասխան լրատվամիջոցների հարցումների
Իշխանություններին սպասարկող լրատվական կայքերում տարածվել են Գերաշնորհ Տ․ Նաթան արք․ Հովհաննիսյանին վերագրվող հեռախոսազրույցների ձայնագրություններ։
Իշխանությունների կողմից՝ եկեղեցու դեմ սանձազերծված գործողությունների, այդ թվում վերջին օրերին տասնյակ հոգևորականների բերման ենթարկելու և երկու եկեղեցականների կալանքի տանելու ենթատեքստում, արդեն իսկ ակնհայտ է, թե ով է կանգնած հերթական այս արարքի հետևում։
Այս օրերին ողջ իրավապահ և դատական համակարգը լծված է հակաեկեղեցական ապօրինի հրահանգների իրագործմանը։ Ամենայն Հայոց Կաթողիկոսին վերագրվող նման արտահայտությունների շրջանառման նպատակն է վարկաբեկել և թշնամանք հարուցել Եկեղեցու և եկեղեցականների նկատմամբ։
Հեռախոսային խոսակցությունների գաղտնիության խախտումը ինքնին հանցագործություն է և առանձին թեմա, որին իրավապահ մարմինները հույս ունենք, որ համարժեք արձագանք կտան։
Մայր Աթոռի Տեղեկատվական համակարգ
Նշենք՝ ՔԿ-ն Վեհափառի անվան շուրջ տարածված ձայնագրության առթիվ քրեական վարույթ նախաձեռնեց:
Իշխանական ԶԼՄ-ներն այսօր 2023 թվականին արված ձայնագրություն են տարածել, որում ենթադրաբար նախկին գավազանակիր Աղան աբեղա Երնջակյանն Կաթողիկոսին մեղադրում է, թե իբր ստիպում է, որ նա ընտանիքի անդամների հետ հանրահավաքի մասնակցի։