Լևոն Զուրաբյան. Եվ Արևմուտքի հետ բլոկավորվելը, և Ռուսաստանի տակ մտնելը կատաստրոֆիկ կլինի Հայաստանի համար
«Ի վերջո, ի՞նչ է արել Նիկոլ Փաշինյանը այսքան ժամանակ: Ընդամենը պատերազմով հանձնվելու քաղաքականությունը փոխարինել է «խաղաղությամբ» հանձնվելու քաղաքականությամբ:
Հայաստանը այսօր պետական կամք չունի: Ադրբեջանն ավելի մեծ ազդեցություն է ստացել մեր արտաքին քաղաքականության վրա, քան Նիկոլ Փաշինյանը»:
Փաշինյանը խախտել է 1991-ից առկա քաղաքականությունը՝ բոլորի հետ հավասար հարաբերություններով պահել մեր անկախությունն ու անվտանգությունը։ Նա խաղում է բլոկային քաղաքականություն, սա անմիջական վտանգ է մեր անկախության համար», «Կիզակետում Արկադի Գրիգորյանի հետ» հաղորդման ժամանակ ասել է ՀԱԿ փոխնախագահ Լևոն Զուրաբյանը։
«Եվ Արևմուտքի հետ բլոկավորվելը, և Ռուսաստանի տակ մտնելը կատաստրոֆիկ կլինի Հայաստանի համար:
Մենք առաջարկում ենք բոլոր ուղղություններով համագործակցելու և աշխարհաքաղաքական բալանսը պահելու մեխանիզմներ` ԹՐԻՓՓ+ԲՐԻԿՍ-ը, Իրանի հետ երկաթուղու կառուցումը, ԱԲ նախագծերի դիվերսիֆիկացիա», նշել է Զուրաբյանը: