Լևոն Զուրաբյան. ՔՊ-ականները ոչնչից այդքան չեն վախենում, որքան՝ ճշմարտությունից. «Հրապարակ»
«Հրապարակի» զրուցակիցը ՀԱԿ փոխնախագահ Լեւոն Զուրաբյանն է:
Մենք ասում էինք, որ ղարաբաղյան պատերազմը հաղթական ավարտ է ունեցել, եւ ընդամենը այդ հաղթանակը պետք է ամրապնդել, զիջելով Ղարաբաղից դուրս հինգ շրջանները, ինչպես որ առաջարկում էր նաեւ Մինսկի խմբի համանախագահությունը:
Նիկոլ Փաշինյանը վիժեցրեց այդ բանակցությունները, չնայած որ 2019 թվականին իր սեղանին դրված էր խաղաղության այդ նախագիծը: Նա Հայաստանը ներքաշեց պատերազմի մեջ, ջարդուխուրդ արեց եւ ոչնչացրեց Արցախը, իսկ հիմա խոսում է խաղաղության մասին՝ պնդելով, որ դա նույնն է, ինչ առաջարկում էր Տեր-Պետրոսյանը:
Այժմ Փաշինյանն ու իր թիմն ասում են, որ մենք դավաճանել ենք մեր կուսակցության գաղափարին, սակայն մեր գաղափարը հաղթական գաղափարն էր, ինչը վիժեցրեց եւ թաղեց այս ռեժիմը: Այժմ փորձում են խաղաղության անվան տակ մտցնել այս զիջողականությունը եւ դա նույնացնել Լեւոն Տեր-Պետրոսյանի գաղափարների հետ:
Փաշինյանն անդադար զիջում է եւ այդպես էլ խաղաղություն չի ստանում։ Մեր եւ իրենց տարբերությունը շատ մեծ է:
Լևոն Զուրաբյան
Ամբողջական հոդվածը՝ սկզբնաղբյուրում: