Ներկայացնում ենք Հայաստանյայց Առաքելական Սուրբ Եկեղեցու Մասյացոտնի թեմի պաշտոնական էջը։ Շնորհակալ կլինենք, եթե հավանեք և տարածեք
Սիրելի՛ հետևորդներ,
Սա Հայաստանյայց Առաքելական Սուրբ Եկեղեցու Մասյացոտնի թեմի պաշտոնական էջն է։
Այստեղ ներկայացվում են թեմական նորություններ, ինչպես նաև հոգևոր բովանդակությամբ նյութեր։
Շնորհակալ կլինենք, եթե հավանեք և տարածեք էջը։
Միանում ենք նաև փաստաբան Ռուբեն Մելիքյանի առաջարկին՝ հավանել ու տարածել Մասյացոտնի թեմի ֆբ նոր էջը։ Նախորդ էջն ուզուրպացրել է Գևորգ տիրադավը։
ԹԵՄԻ ՀԱՍՏԱՏՄԱՆ ՄԱՍԻՆ
2021 թվականի հունվարի 11-ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի սրբատառ կոնդակով Արարատյան Հայրապետական թեմից առանձնացվել է Արարատի մարզը և հաստատվել է Մասյացոտնի թեմը։ Թեմակալ առաջնորդի պաշտոնում ծառայության է կոչվել Տ. Գևորգ եպիսկոպոս Սարոյանը։
2026 թվականի հունվարի 10-ին Հայրապետական տնօրինությամբ Մասյացոտնի թեմի առաջնորդ Տ. Գևորգ եպիսկոպոս Սարոյանը ազատվել է թեմակալ առաջնորդի պաշտոնից, իսկ թեմի առաջնորդական տեղապահ է նշանակվել Տ. Ռուբեն վարդապետ Զարգարյանը։
Կից ներկայացվում են թեմի հաստատման վերաբերյալ Հայրապետական սրբատառ կոնդակը և տնօրինության մասին պաշտոնական հաղորդագրության հղումը։
Ս.թ. հունվարի 11-ին Մասյացոտնի թեմի առաջնորդական տեղապահ Տ. Ռուբեն վարդապետ Զարգարյանը հանդիսապետեց Արարատ գյուղի Սուրբ Հակոբ եկեղեցում մատուցված Սուրբ և Անմահ Պատարագը։
Իր քարոզի ընթացքում հոգեշնորհ Հայր Սուրբն անդրադարձավ նաև առաջնորդական իր նոր հանգամանքին՝ վերահաստատելով իր ծառայական պատրաստակամությունն այս պատասխանատու առաքելության ճանապարհին։
Ստորև ներկայացնում ենք Հայր Ռուբենի քարոզից մի հատված։