Ռուբեն Մելիքյան. ԱՐԴ/0444/01/26. Սա այլևս անջնջելի խարան է հայ ազգի յուրաքանչյուր ներկայացուցչի համար
ԱՐԴ/0444/01/26
Սա սոսկ քրեական գործի համար չէ, այլ իսկական խարան է հայ ազգի յուրաքանչյուր ներկայացուցչի համար, եթե նա ունի ազգային ինքնագիտակցություն։
Այս համարով թվագրված քրեական գործի ներքո «հայկական» անվանվող պետությունը մեղադրյալի աթոռին է դրել ու դատում է Թադևոս առաքյալի աթոռակալ, Սբ. Գրիգոր Լուսավորչի գահի 132-րդ գահակալ, Ամենայն Հայոց Կաթողիկոս Գարեգին Երկրորդին։
Սա այլևս անջնջելի խարան է։
Նշենք. ՀՀ դատախազը հաստատել է Գարեգին Բ Ամենայն Հայոց կաթողիկոսի և Մայր Աթոռ Սուրբ Էջմիածնի 6 եպիսկոպոսների գործով մեղադրական եզրակացությունը և այն ուղարկել դատարան։
Հիշեցնենք, որ մեղադրյալի կարգավիճակ ունեն Տեր Մակար եպիսկոպոս Հակոբյանը, Տեր Հովնան եպիսկոպոս Հակոբյանը, Տեր Նաթան արքեպիսկոպոս Հովհաննիսյանը, Տեր Հայկազուն արքեպիսկոպոս Նաջարյանը, Տեր Մուշեղ եպիսկոպոս Բաբայանը և Տեր Վահան եպիսկոպոս Հովհաննիսյանը։ Նրանց նկատմամբ որպես խափանման միջոց ընտրվել է ՀՀ տարածքը բացակայելու արգելքը։
Գործը հարուցվել է ՀԱԵ Մասյացոտնի թեմի նախկին առաջնորդ, կարգալույծ հռչակված Գևորգ Սարոյանի հետ կապված դատական ակտի կատարմանը «խոչընդոտելու» մեղադրանքով։ Նույն գործով Գարեգին Երկրորդի նկատմամբ ևս կիրառվել է ՀՀ տարածքը լքելու արգելք։
Մեղադրական եզրակացությունը հաստատվել է 2026 թվականի հուլիսի 28-ին և ուղարկվել դատարան: Գործը մուտքագրվել է Արմավիրի մարզի ընդհանուր իրավասության դատարան և մակագրվել դատավոր Հակոբ Մանուկյանին:
Հիշեցնենք՝ ՀՀ սահմանադրությամբ Հայաստանն աշխարհիկ պետություն է, եկեղեցին անջատ է պետությունից։ Բացարձակապես անջատ։