Սյուզի Բադոյան. Վեհափառին ԿՏՐՒՃ ասող ԱԱԾ տնօրենն անցել է Եկեղեցու դեմ հարձակման 2-րդ փուլի
«Զվարթնոց» օդանավակայանում ԱԱԾ-ն արգելել է 2 քահանաների, որոնք Վորոնեժի և Իժևսկի հայկական եկեղեցիների հոգևոր սպասավորներն են, վերադառնալ ՌԴ` հոգևոր ծառայությունը շարունակելու համար:
«Վեհափառին ԿՏՐՒՃ ասող ԱԱԾ տնօրենն անցել է Եկեղեցու դեմ հարձակման 2-րդ փուլի: Ինքն է որոշում ` քահանան սպասարկի իր հոտին, թե ո՞չ Ծառայի Եկեղեցուն, թե գնա Պապիկյան Սուրենին ծառայի:
ՌԴ Վորոնեժի Սուրբ Սարգիս եկեղեցու հոգևոր հովիվ Արսեն քահանա Իսրայելյանը և Իժևսկի Սուրբ Գրիգոր Լուսավորիչ եկեղեցու հոգևոր սպասավոր Երեմիա քահանա Վարդանյանը զրկվել են իրենց ծառայության վայր վերադառնալու հնարավորությունից, քանի որ այդպես է որոշել ԱԱԾ -ն ` հագուրդ տալու հակաեկեղեցական կառավարության սնափառ պահանջմունքին...»:
Լրացված
ՌԴ Նոր Նախիջեւանի թեմի 4 քահանաների կանչել են վարժական հավաքների, նրանց ելքը Հայաստանից արգելվել է: Aravot.am-ը որոշ մանրամասներ պարզեց Մայր Աթոռ Ս. Էջմիածնի տեղեկատվական համակարգի տնօրեն տեր Եսայի քահանա Արթենյանից: