Տիգրան Դավուդյան. Հանրային հեռարձակողի խորհրդի անդամներ, դո՛ւք ինչո՞վ եք զբաղված
Հանրային հեռարձակողի խորհրդի հարգելի անդամներ` Վասակ Դարբինյան (նախագահ), Ara Shirinyan, Aram Sukiasyan, Arpi Voskanyan, Irina Shahnazaryan, Christine Melkonyan և Վարուժան Օլքինյան. ուզում եմ հասկանալ ո՞րն է Հ1֊ի և ՔՊ֊ի Civic.am լրատվականի տարբերությունը։
Հ1֊ի 58 րոպեանոց լուրերի 20 րոպեն ՀՀ մեկ կուսակցության գովքն է։ ՔՊ նախագահ պրն Փաշինյանն իր ֆեյսբուքյան էջով ինը րոպե խոսել է իրենց ընդդիմախոս "եռագլուխ ընդդիմության" մասին և Ձեր ենթակայության տակ գտնվող Հ1֊ը ՀՀ մի կուսակցության նախագահի պատգամը նույնությամբ վերարձակում է։
Երկրի տասնյակից ավել կուսակցություններ Երևանում և մարզերում աշխույժ գործունեություն են ծավալում, Հ1֊ն ինչո՞ւ է միայն ՔՊ֊ի ներքին անցուդարձերին անդրադառնում։
ԱԺ նախագահ, ՔՊ֊ի անդամը չորրորդ անգամը լինելով սկանդալի կենտրոնում է հայտնվում, թքում է քաղաքացու վրա, հայհոյում է քաղաքացուն, իսկ Հ1֊ը միայն նրան է բեմ տրամադրում, ինչո՞ւ։ ՔՊ մյուս անդամներն առանց դատարանի եզրակացության մեղադրում են ընդդիմության գործիչներին և Հ1֊ը սփռում է նրանց հերյուրքանքները։
Կարելի է հարցնել Դո՛ւք ինչո՞վ եք զբաղված։