Կարեվոր
ԱՀԿ-ն՝ բոլոր պետությունների կառավարություններին. «Արթնացե՛ք, պատրաստվե՛ք»
Առողջապահության համաշխարհային կազմակերպությունը (ԱՀԿ) կորոնավիրուսի տարածման ռիսկը շատ բարձր է գնահատում, գրում է cnbc.com-ը։
ԱՀԿ-ի առողջապահության ոլորտում արտակարգ իրավիճակների ծրագրի ղեկավար, դոկտոր Մայք Ռայանը Ժնևում կայացած ասուլիսի ընթացքում նշել է, որ այժմ կորոնավիրուսի տարածման ռիսկը ամենաբարձր մակարդակում է։
«Արթնացե՛ք, պատրաստվե՛ք: Այդ վիրուսը կարող է արդեն ճանապարհին լինել, և դուք պետք է պատրաստ լինեք: Դուք պատրաստ լինելու պարտավորություն ունեք ձեր քաղաքացիների առջև, պարտավորություն ունեք աշխարհի առջև»,- կոչ է արել Ռայանը՝ դիմելով բոլոր պետությունների կառավարություններին։
Ռայանը վստահեցրել է, որ պետությունների առաջնորդները դեռևս հնարավորություն ունեն վիրուսն իրենց սահմաններից հեռու պահելու. «Սպասելն այս դեպքում արդարացում չէ»։