Պաշտոնական
Երկու նոր Ազգային հերոս կունենանք
Երկու զինվորականներ «Ազգային հերոս» բարձրագույն կոչման կարժանանան։ Տեղեկությունը հայտնում է վարչապետ Նիկոլ Փաշինյանը ֆեյսբուքի իր էջում։
«ՀՀ Զինված ուժերի գլխավոր շտաբի պետի առաջին տեղակալ, գեներալ-լեյտենանտ Տիրան Խաչատրյանը և 5-րդ բանակային կորպուսի հրամանատար գեներալ-մայոր Անդրանիկ Փիլոյանը հատկապես վերջին ժամերի ընթացքում մարտի դաշտում փառքով պսակեցին իրենց անունը և կարժանանան ազգային հերոսի կոչման»,- գրել է վարչապետը։
Նա նաև հավելել է, որ հիմա էլ նրանք շարունակում են իրենց հերոսական կռիվը հանուն հայրենիքի:
«Փա՛ռք հայոց բանակին»,- եզրափակել է գրառումը վարչապետ Փաշինյանը։