ԵԽԽՎ համազեկուցողները փետրվարի 17-20-ը կայցելեն Հայաստան

Եվրոպայի խորհրդի Խորհրդարանական վեհաժողովի (ԵԽԽՎ) Հայաստանի պարտավորությունների կատարման մոնիտորինգի համար պատասխանատու համազեկուցողներ Կիմմո Կիլյունենը՝ Ֆինլանդիայից, և Բորիանա Օբերգը՝ Շվեդիայից, փետրվարի 17-20-ը փաստահավաք այց կկատարեն Հայաստան:

Երևանում hամազեկուցողները հանդիպումներ կունենան Հայաստանի իշխանությունների և քաղաքացիական հասարակության ներկայացուցիչների հետ,  ասված է ԵԽԽՎ հաղորդակցության բաժնի հաղորդագրությունում:

Ըսր «Ազատության» հանդիպումներ են նախատեսված նաև Ջերմուկ, Գորիս և Վարդենիս քաղաքներում՝ տեղական իշխանությունների ներկայացուցիչների հետ: