Հասարակություն
ՖիզԳորոդոկ. «Շտապ. Ռատկո ՍՊԸ-ն ջարդում ու վերացնում է ծառերը» (տեսանյութ)
Երևանի Ալիխանյան եղբայրներ փողոցի 6/1 հասցեի («Ֆիզգորոդոկ») բնակիչները կրկին ահազանգում են՝ այս անգամ ապօրենի ծառահատումների մասին։
«Շտապ․ հենց հիմա Ռատկո ՍՊԸ-ն ջարդում ու վերացնում է ծառերը, կանաչ տարածքը ֆիզիկայի գիտավանում, այն հատվածում, որի սեփականության օրինականությունն այս պահին քննվում է քրեական գործի շրջանակում, այն հատվածում, որը հանրային է եղել, զավթվել է ապօրինաբար և պետք է վերադարձվի հանրությանը»,-հայտնում են բնակիչները։
Բնակիչները պահանջում են անհապաղ կասեցնել աշխատանքները մինչև գործի քննության ավարտը: