«  Սեպտեմբեր 2022  »
ԵրկԵրքՉրքՀնգՈւրբՇբԿիր
   1234
567891011
12131415161718
19202122232425
2627282930

Яндекс.Метрика

Հակառուսական մոլուցքով տարվածները լեգիտիմացնում են Բաքվի օրակարգը

Հակառուսական մոլուցքով տարվածները լեգիտիմացնում են Բաքվի օրակարգը

Մեր «արևմտամետները» գոնե հասկանո՞ւմ են, որ հակառուսական մոլուցքով տարված՝ ակամայից լեգիտիմացնում են Բաքվի օրակարգը:

Չէի ուզում այս թեմային անդրադառնալ, բայց ստիպված գրում եմ՝ տեսնելով այն պսիխոզը, որ տարածվում է սոցիալական ցանցերում՝ ուկրաինական բանակի վերջին օրերի հաջողությունների հետ կապված:
Միանգամից արձանագրեմ, որ ռուս- ուկրաինական պատերազմում ես համակրություն չունեմ ու միակ բանը, որ ուզում եմ՝ պատերազմի արագ ավարտն է, որովհետև համաշխարհային գլոբալ հակադրությունը Հայաստանին որևէ լավ հեռանկար չի խոստանում:

Հիմա՝ ըստ էության:

Առաջին հերթին՝ ուկրաինական բանակի հաջողությունները բավական լոկալ են, որպեսզի հնարավոր լինի խոսել ռուս- ուկրաինական պատերազմում նկատվող իբրև թե բեկման մասին: Պուտինն այս պատերազմում պարտվել չի կարող, եթե նույնիսկ հարկ լինի դիմել ծայրահեղ միջոցների: Նա այս հարցում չունի տաբուներ, ինչը գիտակցել են անգամ Ֆրանսիայի, Գերմանիայի առաջնորդները, ԱՄՆ մի շարք փորձառու դիվանագետներ, որոնք հետևողականորեն առաջ են քաշում բանակցային լուծման անհրաժեշտությունը: Հետևաբար, տուրք մի տվեք ձեր հակառուսականությանը՝ խաղալով ուկրաինացի ժողովրդի շարունակվող տառապանքների վրա:

Երկրորդ, ընդունենք, որ բոլորդ ճիշտ եք ու  Ռուսաստանն Ուկրաինայում ջախջախվելու է: Ո՞րն է երաշխիքը, որ այդ պարագայում Հարավային Կովկասում անվտանգային վակուումը կլրացվի ոչ թե ԱՄՆ կամ Ֆրանսիայի, այլ ՆԱՏՕ-ի նրանց դաշնակից Թուրքիայի կողմից: Չկա նման երաշխիք, իսկ իմ նշած սցենարի պարագայում՝ պարզ է, որ մենք կարող ենք երնեկ տալ 44-օրա պատերազմի հետևանքներին:

Եվ վերջապես՝ 44-օրյա պատերազմում Ադրբեջանը Ուկրաինա էր, միջազգայնորեն ճանաչված իր տարածքներն էր «ազատագրում», իսկ Հայաստանը հանդես էր գալիս պայմանական  Ռուսաստանի կերպարով։ Եթե Դոնբասը   Ռուսաստան չէ, Զապորոժիեն և Խերսոնը Ռուսաստան չեն, ապա Ջեբրայիլն էր Հայաստան չէր։ 
Ուկրաինան իր միջազգայնորեն ճանաչված տարածքի համար է կռվում, Ադրբեջանն էլ՝ իր, ինչու՞ պիտի միջազգային հանրությունը մեզ օգներ կամ մեր կողմից լիներ:

Մեր, այսպես ասած, արևմտամետները գոնե հասկանո՞ւմ են, որ հակառուսական մոլուցքով տարված՝ ակամայից, անուղղակիորեն լեգիտիմացնում են Բաքվի օրակարգը:

Խաղաղություն Ուկրաինայի և Ռուսաստանի բարեկամ ժողովուրդներին:

Քաղաքագետ Սուրեն Սուրենյանց

-->