Հայկ Կոնջորյան. Բանավոր խոսքի ընթացքում եղավ վրիպակ
Բանավոր խոսքի ընթացքում եղավ վրիպակ. լրագրողների հետ զրույցում ասաց «Իմ քայլը» խմբակցության պատգամավոր Հայկ Կոնջորյանը` անդրադառնալով ԱԺ նիստի ժամանակ հնչեցրած այն հայտարարությանը, թե «Հայաստանը շրջապատված է ավտորիտար Ադրբեջանով, Թուրքիայով և ավտորիտար բնույթ ունեցող Իրանով»:
Նշենք, որ Կոնջորյանի այս հայտարարությունը բացասական մեկնաբանությունների առիթ է տվել համացանցում:
Պատգամավորը նշեց, որ դա իր մասնավոր ձևակերպումն էր:
«Եթե թույլ տաք` կպարզաբանեմ. այդ պահին հնչեցրած բառերն իմ անձնական ձևակերպումն են և բացարձակապես չեն արտահայտում մեծամասնության ձևակերպումը: Պետք է ուրիշ ձևակերպում տայի: Օրինակ` կարող էի ասել` Իրանն ունի յուրահատուկ, աշխարհի ստանդարտ ժողովրդավարություններից, պետություններից տարբերվող քաղաքական համակարգ: Հիմա, օրինակ, եթե ոտքի վրա հարցնում եք, այդպես կասեմ»,- ասաց Կոնջորյանը: