Լևոն Տեր-Պետրոսյանը հանդիպել է Արցախի նախագահի հետ

Լևոն Տեր-Պետրոսյանը հանդիպել է Արցախի նախագահի հետ, տեղեկությունը հայտնում է ՀՀ Առաջին նախագահի խոսնակ Արման Մուսինյանը

«Այսօր, ապրիլի 3-ին, ՀՀ Առաջին նախագահ Լևոն Տեր-Պետրոսյանն իր առանձնատանը հանդիպել է ԼՂՀ նախագահ Արայիկ Հարությունյանի հետ:

Զրույցի ընթացքում երկուստեք կարևորվել է, որ ռուս-ուկրաինական պատերազմի ընթացիկ փուլում, թե՛ Արցախի ու Հայաստանի իշխանություններից, և թե՛ ընդդիմադիր ուժերից գերզգույշ հռետորաբանություն և գործողություններ են պահանջվում ներքաղաքական հակասությունները չսրելու և Հայաստանի ու Արցախի վիճակն ավելի ևս չբարդացնելու նպատակով»: