Լևոն Զուրաբյան. Փաշինյանի բացառիկ խոստովանությունը (տեսանյութ)

Լուսինե Այրապետյանի «Դիտակետ» հեղինակային հաղորդաշարի հյուրն է Հայ Ազգային Կոնգրես կուսակցության փոխնախագահ Լևոն Զուրաբյանը:

Քոչարյանը Փաշինյանին պետք էր որպես «քաղաքական բոբո», որի վերադարձով պետք է վախեցներ, որ մնար իշխանությանը: Այլապես վաղուց պատժած կլիներ մարտի 1-ի և կոռուպցիոն գործերի համար:

Բայց Ալիևի հրահանգը` Անկախության հռչակագիրը հանել Սահմանադրությունից, ժամանակ չի թողնում: Նա բռնաճնշումներով պետք է պոկի 6 մանդատ խորհրդարանական ընդդիմությունից և ալիևյան սահմանադրությունը դնի հանրաքվեի:

Իսկ ալիևյան սահմանադրությունից նա միայն մեկ բան է ակնկալելու, բացի շեֆի հրամանի կատարումից` դատական իշխանությունը ամբողջությամբ իրեն ենթարկելը:

Ալիևի մյուս հրահանգը` ատոմային էներգետիկայի փակումն է Հայաստանում: Ատոմակայանը 1989 թվականին փակեց սովետական կոմունիստական իշխանությունը: 1991-1995 թվականներին նորանկախ Հայաստանի իշխանությունը` հակառակ Թուրքիայի, Եվրոպական Միության և ԱՄՆ-ի ճնշումներին և պատմության մեջ առաջին անգամ վերաբացեց կոսերվացված ատոմակայանը (սա տարածված միֆ է, որ իբր «ատոմակայանը փակվել է ՀՀՇ- ի օրոք, իսկ վերաբացվել Քոչարյանի օրոք», իրականությունը մինչդեռ հետևյալն է` ատոմակայանը վերաբացվել է 1995-ի Տեր-Պետրոսյանի և նրա կառավարության որոշումով):

Սողացող օկուպացիային պետք է վերջ դրվի:
Լևոն Զուրաբյան