Նախագահը փոխվարչապետ ու նախարարներ է նշանակել

Արմեն Սարգսյանը հիմք ընդունելով Նիկոլ Փաշինյանի առաջարկությունները 7 նոր հրամանագիր է ստորագրել, որոնք հրապարակվել են նախագահի պաշտոնական կայքում։

Ըստ այդմ`

• Տիգրան Խաչատրյանը նշանակվեց ֆինանսների նախարար,
• Վահան Քերոբյանը` էկոնոմիկայի նախարար,
• Կարեն Անդրեասյանը` արդարադատության նախարար,
• Անդրանիկ Փիլոյանը` արտակարգ իրավիճակների նախարար,
• Անահիտ Ավանեսյանը`առողջապահության նախարար,
• Վահրամ Դումանյանը` կրթության, գիտության, մշակույթի և սպորտի նախարար։
• Մհեր Գրիգորյանն էլ փոխվարչապետ է նշանակվել։

Հիշեցնենք՝  Խաչատրյանը, որը 2019-ի հունիսի 1-ից էկոնոմիկայի նախարարն էր, նախորդ տարվա նոյեմբերի 26-ին ազատվեց այդ պաշտոնից։ Իսկ Կարեն Անդրեասյանը 2011-2016թթ. եղել է ՀՀ մարդու իրավունքների պաշտպանը։

Լրացված.

Կառավարության կազմն՝ ըստ մինչ այս պահն արված նշանակումների: Աղբյուր՝ https://bit.ly/3jkah8S