«  Օգոստոս 2021  »
ԵրկԵրքՉրքՀնգՈւրբՇբԿիր
      1
2345678
9101112131415
16171819202122
23242526272829
3031

Яндекс.Метрика

Նախարար. Չպատվաստված աշխատակիցներն ամսական երկու անգամ ՊՇՌ թեստ կհանձնեն

Նախարար. Չպատվաստված աշխատակիցներն ամսական երկու անգամ ՊՇՌ թեստ կհանձնեն

Կորոնավիրուսի դեմ պատվաստվելուց հրաժարվելու դեպքում Հայաստանի պետական կառավարման, տեղական ինքնակառավարման մարմինների, հանրային սննդի օբյեկտների, մի շարք կազմակերպությունների աշխատակիցներ, ինչպես նաև դպրոցների ուսուցիչները և բուհերի դասախոսները ստիպված կլինեն ամսվա մեջ երկու անգամ ՊՇՌ թեստի արդյունք ներկայացնել: Կառավարության նիստից հետո լրագրողների հետ ճեպազրույցում հայտարարեց ՀՀ առողջապահության նախարար Անահիտ Ավանեսյանը: Նրա խոսքով՝ այժմ այդ ուղղությամբ մշակվում են համապատասխան իրավական ակտեր: 

«Մեր իրավական ակտերում որոշակի փոփոխություններ ենք մտցնում, որպեսզի այն անձինք, ովքեր չեն պատվաստվում, ամսվա մեջ 2 անգամ ՊՇՌ թեստավորման արդյունք ներկայացնեն, որովհետև եթե այսօր օրվա կտրվածքով հետևեք մեր դեպքերի քանակին, կտեսնեք, որ մենք կայուն աճ ենք գրանցում: Եթե նայում ենք՝ ինչ է կատարվում տարածաշրջանում, ապա պետք է զգոն լինենք և անենք հնարավորը մեր քաղաքացիներին պաշտպանելու համար»,- ասաց նախարարը:

Նա հավելեց, որ ուսումնական տարվա մեկնարկի հետ կապված ակնկալում են հիվանդացության աճ: «Ուսուցիչները, դասախոսները, հանրային սննդի օբյեկտներում, մի շարք կազմակերպություններում, պետական, տեղական ինքնակառավարման մարմիններում պետք է ներդրվի այս կանոնը, որ այն անձինք, ովքեր հրաժարվում են պատվաստումից, սակայն չունեն որևէ հակացուցում, պետք է ամսեական երկու անգամ թեստ հանձնեն»,- նշեց Անահիտ Ավանեսյանը:

-->