Վլադիմիր Կարապետյան. Կառավարությունը Վահե Գրիգորյանից նամակ չի ստացել

Կառավարությունը Սահմանադրական դատարանի (ՍԴ) դատավոր Վահե Գրիգորյանից նամակ չի ստացել: Այդ մասին «Ազատության»-ը փոխանցել էր վարչապետ Նիկոլ Փաշինյանի խոսնակ Վլադիմիր Կարապետյանը:

Ըստ մամուլի հրապարակումների, Վահե Գրիգորյանը նամակով դիմել է Սահմանադրական դատարանի անդամներին, Ազգային ժողովին, Հայաստանի նախագահին, Կառավարությանը, Դատավորների ընդհանուր ժողովին՝ Սահմանադրական դատարանում ճգնաժամի հետ կապված:

Երեկ, ի դեպ, հայտնի դարձավ, որ Վահե Գրիգորյանը զրկվել է Սահմանադրական դատարանում Մարտի 1-ի գործով մեղադրյալներ Ռոբերտ Քոչարյանի և Յուրի Խաչատուրովի դիմումների քննության մասնակցության հնարավորությունից:

Հրայր Թովմասյանի ստորագրությամբ աշխատակարգային որոշում է հրապարակել, ըստ որի, Վահե Գրիգորյանի մասնակցությունն այս գործերի քննությանն անհնարին է, քանի որ նա կանխակալ վերաբերմունք ունի դիմողների նկատմամբ, ինչպես նաև մասնակցել է այս գործերի քննությանն այլ դատարաններում:

Թարմացված.

Կառավարությունը ստացել է Սահամանադրական դատարանի  դատավոր Վահե Գրիգորյանի նամակը, հայտնել է վարչապետ Նիկոլ Փաշինյանի խոսնակ Վլադիմիր Կարապետյանը՝ հավելելով, որ այս պահին նամակն ուսումնասիրվում է։