Ըմբիշ Մալխաս Ամոյանը դարձավ Եվրոպայի չեմպիոն (տեսանյութ)

Հայաստանի հունահռոմեական ոճի ըմբիշ Մալխաս Ամոյանը նվաճել է Բուդապեշտում ընթացող ըմբշամարտի Եվրոպայի առաջնության ոսկե մեդալը:

77 կգ քաշային հայաստանցի մարզիկը եզրափակիչում 4:3 հաշվով կամային հաղթանակ է տարել թուրք Յոնուս Բաշրայի նկատմամբ, թեև առաջին խաղափուլից հետո զիջում էր 0:3 հաշվով:

Այդպիսով, Մալխաս Ամոյանն առաջին ոսկե մեդալը բերեց Հայաստանի հավաքականին:

Այսօր մեր երկու ըմբիշները կպայքարեն բրոնզի համար: