Ով կփոխարինի Ռուստամ Մուրադովին

Արցախ 07.09.2021   12:00   197

Հայաստանի պաշտպանության նախարար Արշակ Կարապետյանը հանդիպել է գեներալ-լեյտենանտ Ռուստամ Մուրադովին, որն ավարտում է իր առաքելությունը՝ որպես Արցախում Ռուսաստանի խաղաղապահ զորախմբի հրամանատար։

Նախարարության փոխանցմամբ` հանդիպմանը, որին մասնակցել է նաև ՀՀ-ում ՌԴ դեսպանության պաշտպանական հարցերով կցորդ, գնդապետ Իգոր Շչերբակովը, քննարկվել է Արցախում խաղաղապահ առաքելության ընթացքը, ինչպես նաև հայ-ադրբեջանական սահմանին ստեղծված իրադրությունը։

Ըստ ռուսական մամուլի՝ Մուրադին հնարավոր է փոխարինի ՌԴ զինված ուժերի Հարավային ռազմական օկրուգի զորքերի հրամանատարի տեղակալ, գեներալ-լեյտենանտ Ալեքսեյ Ավդեևը։

Ավդեևը ծնվել է 1967-ին, Տաշքենդում, մոտոհրաձգային զորքերի գեներալ է։ Պարգևատրվել է ՌԴ «Հայրենիքին մատուցած ծառայությունների համար», 3-րդ և 4-րդ աստիճանի, Ժուկովի, «Զինվորական վաստակի համար», «Բարեկամության» շքանշաններով, Սուվորովի մեդալով և ՌԴ այլ գերատեսչական պարգևներով։

Հայկական լրատվամիջոցները գրում են, որ Ավդեևը ազգությամբ ուզբեկ է։

Իսկ Sputnik Արմենիայի տեղեկություններով, ՌԴ խաղաղապահ անձնակազմի հավանական թեկնածուն գեներալ-մայոր Միխայիլ Կոսոբոկովն է։

Ավելի վաղ Կոսոբոկովը զբաղեցրել է 58-րդ համազորային բանակի (Հարավային ռազմական օկրուգ) հրամանատարի տեղակալի պաշտոնը։ Ժամանակին նա եղել է Աբխազիայում ռուսական ռազմական բազայի հրամանատարը։

 Լուսանկարներ

  Կիսվեք սոցցանցերում


 Պիտակներ
         Հայաստան, ՌԴ խաղաղապահ, Արցախ, ԼՂ, Միխայիլ Կոսոբոկով, Ալեքսեյ Ավդեև, Ռուստամ Մուրադով, ՊՆ, Արշակ Կարապետյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon