Երեկոյան թշնամին կրակ է բացել հայկական դիրքերի ուղղությամբ

Նոյեմբերի 26-ին՝ ժամը 21:30-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի հարավ-արևելյան հատվածում տեղակայված հայկական դիրքերի ուղղությամբ:
Ըստ ՊՆ-ի՝ հայկական կողմը կորուստներ չունի:

Նոյեմբերի 26-ի՝ ժամը 22:00-ի դրությամբ,  իրադրությունն առաջնագծում հարաբերականորեն կայուն է:

Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում  հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ: