Կրակոցներ Սոթքի մոտակայքում. աշխատակիցները տարհանվել են
Ադրբեջանի վերահսկողության տակ անցած Քարվաճառի սահմանին այս գիշեր լարված է եղել։ Armeniasputnik-ի տեղեկություններով` ադրբեջանական կողմը կրակոցներ է արձակել։ Նշենք, որ կրակոցներ են հնչել Սոթքի հանքի մոտակայքում, որտեղով անցնում է սահմանը։
Ադրբեջանի ՊՆ-ն այսօր հայտարարել էր, թե ՀՀ ԶՈւ ստորաբաժանումները առավոտյան ժամը 3-ից կրակ են բացել Քարվաճառում տեղակայված ադրբեջանական դիրքերի ուղղությամբ։ ՀՀ պաշտպանության նախարարությունը հերքել է ադրբեջանական բանակի դիրքերը գնդակոծելու տեղեկությունը։
«Ընկերության ղեկավարությունը աշխատակիցներին տարհանելու հրատապ որոշում է կայացրել, և շուրջ 150 աշխատակից է տարհանվել»,–ասել են «Գեոպրոմայնինգ Գոլդ» ընկերությունից։
Բարեբախտաբար, աշխատակիցներից ոչ ոք չի տուժել։
Նշենք՝ հուլիսի 26-ին Ադրբեջանը կրակ է բացել Գեղարքունիքի և Երասխի դիրքերի ուղղությամբ: