Սուրեն Սուրենյանց. Փաշինյանին թողնում եմ ձեր դատին (տեսանյութ)

Նիկոլ Փաշինյանը երեկ պոպուլիզմի հերթական մաստեր- կլասն է ցույց տվել: Նա ասել է, թե թե Մարտի 1-ը բացահայտված է, բայց մեղավորները դեռևս պատժված չեն։

Իրավաբանության տեսանկյունից՝ Փաշինյանի ասածն ուղղակի աբսուրդ է:
Եթե շարժվենք Փաշինյանի տրամաբանությամբ, մի քանի հետևություններ կարող ենք անել.

ա) մեր երկրում իրավական բեսպրեդել է, հանցագործները հայտնի են, բայց պետությունը նրանց կալանավորել չի կարողանում,
բ) իշխանությունը Մարտի 1-ի պատվիրատուներին չի կարողանում կալանավորել, որովհետև նրանց հետ «փայ» է մտել: Ի դեպ, երբ նայում ենք ԱԺ այսօրվա կազմը, այդ վարկածը միանգամայն տրամաբանական է թվում,
գ) Փաշինյանը Մարտի 1-ի հանցագործներին ազատության մեջ է թողնում, որովհետև վաղն ինքը կարող է նոր «Մարտի 1»-ի անհրաժեշտություն ունենալ՝ որպես իշխանության պահպանման միջոց,
դ) Փաշինյանն ադեկվատ չէ ու պետք չէ լուրջ վերլուծել նրա հայտարարությունները:

Այս վարկածներից որևէ մեկի ընտրությունը թողնում եմ ձեր խղճին:

Սուրեն Սուրենյանց