Թշնամին կրկին խախտել է հրադադարը Արցախում

ԱՀ ՊՆ մամուլի ծառայությունը հաղորդում է.

Հունիսի 29-ին՝ ժամը 16:54-ի սահմաններում  Ադրբեջանի ԶՈւ-ն խախտել է հրադադարը` հրաձգային զենքից կրակ բացելով Մաճկալաշեն համայնքի դաշտերում գյուղատնտեսական աշխատանքներ կատարող կոմբայնի ուղղությամբ։
Հայկական կողմում տուժածներ չկան։

Հունիսի 29-ին՝ ժամը 18:10-ի սահմաններում  Ադրբեջանի ԶՈւ-ն խախտել է հրադադարը` հրաձգային զենքից կրակ բացելով Ճարտար համայնքի դաշտերում գյուղատնտեսական աշխատանքներ կատարող կոմբայնի ուղղությամբ։
Հայկական կողմում տուժածներ չկան։

Միևնույն ժամանակ Ադրբեջանի ՊՆ-ն ապատեղեկատվություն է տարածել այն մասին, թե իբր ՊԲ ստորաբաժանումներն են նույն ուղղությամբ կրակ բացել ադրբեջանական դիրքերի ուղղությամբ:

Հրադադարի խախտումների մասին հաղորդվել է ՌԴ խաղաղապահ զորակազմի  հրամանատարությանը։