ԵԱՀԿ Մինսկի խմբի համանախագահները ժամանել են Երևան

ԵԱՀԿ Մինսկի խմբի համանախագահները ժամանել են Երևան։ Ինչպես  տեղեկացրել է Հայաստանի ԱԳՆ մամուլի քարտուղար Աննա Նաղդալյանը, Երևան այցելության շրջանակներում նախատեսված են հանդիպումներ Հայաստանի վարչապետ Նիկոլ Փաշինյանի և արտաքին գործերի նախարար Զոհրաբ Մնացականյանի հետ։

Նա նաև ավելացրեց, որ միջնորդներն այցելում են Երևան տարածաշրջանային այցի շրջանակում, ինչից հետո նրանք կմեկնեն Բաքու։

Միջնորդների կողմից Արցախ այցելության մասին տեղեկատվություն չկա։

Նշենք, որ մարտի առաջին կեսին սպասվում է ԵԱՀԿ գործող նախագահ, Սլովակիայի ԱԳՆ ղեկավար Միրոսլավ Լայչակի այցը տարածաշրջան։