Մեղադրյալ Քոչարյանի հայցն ընդդեմ Արամ Մանուկյանի դատարանը վարույթ է ընդունել

Երևան քաղաքի ընդհանուր իրավասության դատարանը՝ նախագահությամբ Լիլիթ Սարգսյանի, վարույթ է ընդունել «Մարտի 1-ի գործով» մեղադրյալ  Ռոբերտ Քոչարյանի հայցն ընդդեմ «Հայ ազգային կոնգրես» կուսակցության փոխնախագահ Արամ Մանուկյանի:

Քոչարյանն ընդդեմ Արամ Մանուկյանի հայցադիմում էր ներկայացրել` դատարանից պահանջելով պարտավորեցնել Մանուկյանին հրապարակայնորեն հերքել «զրպարտություն» համարվող տեղեկությունները և հրապարակավ ներողություն խնդրել։

Հայցադիմումը ներկայացվել է մարտի 1-ին  Քոչարյանի ներկայացուցիչ Անի Ալավերդյանի կողմից: