Թագուհի Թովմասյան. Լրագրողներն ԱԺ դահլիճի օթյակից բողոքի ակցիա են իրականացնում (տեսանյութ)
ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը ֆեյսբուքի իր էջում գրում է.
«Լրագրողները օթյակից բողոքի ակցիա են իրականացնում, բայց ԱԺ դահլիճում նրանց ձայնը լսելի չէ:
Եղա նրանց մոտ, արձանագրեցի պահանջները՝ հանդիպում Նիկոլ Փաշինյանի հետ՝ ԱԺ տեղաշարժի սահմանափակումները վերացնելու օրակարգով:
ՊՊԾ-ին հորդորում եմ շարունակել պահպանել զգոնությունը և չխոչընդոտել լրագրողների աշխատանքին, նաև ակցիային»:
Նշենք՝ մի քանի լրագրողներ իրենց ձեռքում պաստառներ էին պահել, որոնց վրա տարբեր գրություններ կան. «Մամուլը երբեք այսքան անազատ չի եղել, քան Նիկոլի օրոք» և այլն։
Հիշեցնենք, որ ԱԺ 8-րդ գումարման աշխատանքների մեկնարկին սահմանափակվել է լրագրողների իրավունքները: Մասնավորապես նրանց չի թույլատրվում միջանցքներում հարցազրույցներ իրականացնել պատգամավորների հետ: Բացի այդ օրեր առաջ երբ ԱԺ նիստերի դահլիճում իրավիճակը լարվեց եւ ԱԺ նախագահը անվտանգության աշխատակիցներին հրավիրեց, լրագրողներին դուրս հրավիրեցին ԱԺ օթյակից: