Ադրբեջանի ղեկավարությունն ակնհայտորեն չի տիրապետում իրավիճակին․ Հադրութը րոպեներ առաջ (տեսանյութ)

Պաշտոնական 09.10.2020   19:27   205

«Ադրբեջանի ղեկավարությունն ակնհայտորեն չի տիրապետում իրավիճակին․Հադրութը րոպեներ առաջ», - ֆեյսբուքի իր էջում գրել է ՀՀՊՆ խոսնակ Շուշան Ստեփանյանը և տեսանյութ տեղադրել:

Նկարահանումներն արված են ավտոմեքենայի միջից՝ սկսած «Հադրութ» գրությամբ ցուցանակից մինչև քաղաքի փողոցներն ու բնակելի տները:

Տեսանյութում քաղաքի փողոցներում բնակիչներ չեն երևում, բայց հավաքված են հայկական բանակի զինվորական համազգեստով անձինք:

Արցախի Հանրապետության նախագահի մամուլի խոսնակ Վահրամ Պողոսյանն անդրադարձել էր Ադրբեջանի նախագահի հայտարարությանը՝ գրելով.

«Իլհամ Ալիևի հերթական ցնդաբանությունը, թե իբրև Հադրութը գրավել են, իրականությունից հեռու է այնքան, որքան ադրբեջանական ահաբեկված զորքը Հադրութից: Այսինքն տասնյակ կիլոմետրեր: Իսկ այդ զորքի վիճակին ծանոթացեք իմ նախորդ ստատուսի մեջ»:

ՀՀ ՊՆ ներկայացուցիչ Արծրուն Հովհաննիսյանն էլ ֆեյսբուքի իր էջում անդրադառնալով Ադրբեջանի ղեկավարի հայտարարությանը, նշել էր, որ Հադրութում է և չգիտես ինչու` միայն հայերի է տեսնում։

Իլհամ Ալիևն այսօր հայտարարել էր, թե իբր ադրբեջանական ԶՈւ–ն գրավել է Հադրութն ու շրջակա մի քանի գյուղերը։

 Լուսանկարներ

  Կիսվեք սոցցանցերում


 Պիտակներ
         պատերազմ Արցախում, Հադրութ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon