ԵՏՄ միջկառավարական խորհրդի նիստը Երևանում (ուղիղ)

Պաշտոնական 09.10.2020   11:36   128

Երևանում մեկնարկել է Եվրասիական տնտեսական միության (ԵԱՏՄ) միջկառավարական խորհրդի նիստը։ Այն տեղի է ունենում Կարեն Դեմիրճյանի անվան մարզահամերգային համալիրում։

Նիստին մասնակցում են Ռուսաստանի, Ղազախստանի, Բելառուսի կառավարությունների ղեկավարներ Միխայիլ Միշուստինը, Ասկար Մամինը, Ռոման Գոլովչենկոն:

 Նիստին չի մասնակցում Ղրղզստանի կառավարության ղեկավար Մուհամեդկալիյ Աբիլգազիևը` երկրում ստեղծված ներքաղաքական իրավիճակի պատճառով: «Հանրապետության ներսում առաջացած հասարակական-քաղաքական իրավիճակի պատճառով մեր ներկայացուցիչները չեն կարողանա մասնակցել ԵԱՏՄ միջկառավարական խորհրդի նիստին Երևանում»,- ավելի վաղ հայտնել էր երկրի կառավարության մամուլի ծառայության ներկայացուցիչը:

Օրակարգի համաձայն ՝ ԵԱՏՄ անդամ երկրների ղեկավարները մտադիր են քննարկել միության գործունեությանն առնչվող հարցեր, այդ թվում` մինչև 2025 թվականը Եվրասիական տնտեսական ինտեգրման զարգացման ռազնավարական ուղղությունների նախագիծը, էլեկտրոնային առևտրի կարգավորման և այլ հարցեր։

Հանդիպման մասնակիցները կքննարկեն նաև ԵԱՏՄ երկրներում կորոնավիրուսի և այլ վարակիչ հիվանդությունների տարածումը կանխելու համար համալիր ծրագրի իրականացմանն առնչվող հարցեր։

Նախատեսվում է ներկայացնել միության նախորդ տարվա բյուջեի կատարողականն ու քննարկել 2021 թվականի բյուջեի նախագիծը:
Նիստում ԵԱՏՄ անդամ պետությունների ապրանքների արտահանման աջակցության համար համատեղ միջոցառումների մշակման մասին որոշում կկայացվի։ Բացի այդ, մասնակիցները կքննարկեն առանձին ապրանքատեսակների դրոշմավորման հարցերը նույնականացման միջոցներով։

 

 Լուսանկարներ

  Կիսվեք սոցցանցերում


 Պիտակներ
         Երևան, ԵՏՄ խորհրդի նիստ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon