«  Հոկտեմբեր 2020  »
ԵրկԵրքՉրքՀնգՈւրբՇբԿիր
   1234
567891011
12131415161718
19202122232425
262728293031

Яндекс.Метрика

Ղազանչեցոց եկեղեցին կրկին հրթիռակոծվել է. վիրավորների շարքում են նաև լրագրողները

Ղազանչեցոց եկեղեցին կրկին հրթիռակոծվել է. վիրավորների շարքում են նաև լրագրողները

Թշնամին կրկին հրթիռակոծել է Շուշիի Սուրբ Ամենափրկիչ Ղազանչեցոց եկեղեցին։ Պայթյունի հետևանքով վիրավորների շարքում են նաև ռուս լրագրողները։ Նրանց տեղափոխել են հիվանդանոց։ 
Տեղեկությունը հայտնում է Արցախի Մարդու իրավունքների պաշտպան Արտակ Բեգլարյանը։

«Հենց նոր Ադրբեջանը երկրորդ անգամ հարվածեց Շուշիի Սուրբ Ղազանչեցոց եկեղեցուն։ 3 լրագրող է վիրավորվել. նրանք նկարահանում էին նախորդ հրթիռակոծության հետևանքները»,– Twitter–ի իր էջում գրել է Բեգլարյանը։

Նա շեշտել է` սա նպատակաուղղված, թիրախավորված հարված էր եկեղեցուն և լրագրողներին, քանի որ ԱԹՍ–ով հետևում, դիտարկում էին նրանց։

«Կառավարության տեղեկատվական-վերլուծական կենտրոն» ՊՈԱԿ-ի տնօրեն Հովհաննես Մովսիսյանն էլ ֆեյսբուքի իր էջում տեղեկացրել է, որ վիրավոր լրագրողներից մեկի վիճակը ծանր է։ Նախնական տեղեկություններով` ռուս լրագրողին վիրահատում են։

Արցախի տեղեկատվական շտաբն էլ հայտնում է, որ ադրբեջանական զինված ուժերի կողմից Շուշիի Սուրբ Ղազանչեցոց եկեղեցու երկրորդ հրթիռակոծության արդյունքում ծանր վիրավորում է ստացել ռուս լրագրող Յուրի Պետրովիչ Կատյոնկը, ում կյանքի համար այժմ պայքարում են արցախցի բժիշկները:

Ադրբեջանը Սուրբ Ղազանչեցոցը հրթիռակոծել էր նաև այսօր առավոտյան, այդ պահին ներսում երեխաներ էին եղել։ Բարեբախտաբար, նախորդ անգամ տուժածներ չեն եղել։