Մակրոնը կողմերին խաղաղ կարգավորման բանակցությունները վերսկսելու նոր մեթոդ է առաջարկել

Արցախ 03.10.2020   09:38   88

Ֆրանսիայի նախագահ Էմանուել Մակրոնը Ղարաբաղյան հակամարտության կարգավորման շուրջ բանակցությունները ԵԱՀԿ Մինսկի խմբի ձևաչափով վերսկսելու նոր մեթոդով է առաջարկել Երևանին ու Բաքվին։ Տեղեկությունը հայտնում է Reuters-ը:

Մակրոնը հայտնել է, որ հեռախոսազրույց է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ՝ նրանց հետ քննարկելով Լեռնային Ղարաբաղի իրադրությունը:

Ֆրանսիայի նախագահի խոսքով՝ ինքն ակտիվացրել է իր միջնորդական ջանքերը՝ որպես ԵԱՀԿ Մինսկի խմբի համանախագահ երկրի առաջնորդ։

Մակրոնն ասել է, որ աշխատանքը պետք է սկսվի ուրբաթ երեկոյից և հակամարտության կողմերին կրկին կոչ է արել դադարեցնել կրակը։

Այս պահին Արցախի սահմանի հյուսիսային և հարավային ուղղություններում ընթանում են համառ և թեժ մարտեր։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

 Լուսանկարներ

  Կիսվեք սոցցանցերում


 Պիտակներ
         Էմանուել Մակրոն, ԵԱՀԿ ՄԽ, պատերազմ Արցախում

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon