«Նիկոլ, Սերժի ու Քոչարյանի հետ մեր անկախությունը տապալելու համար պատասխան ես տալու»

Հասարակություն 21.09.2021   10:29   2029

«Նիկոլ, Սերժի ու Քոչարյանի հետ մեր անկախությունը տապալելու համար պատասխան ես տալու». ոստիկանները «Եռաբլուր» զինվորական պանթեոնից բերման ենթարկեցին զոհված զինծառայող Լևոն Գալստյանի հորը՝ Արմեն Գալստյանին:

Զոհված զինծառայողի հայրը լրագրողների հետ զրույցում նշում էր, որ չի ուզում Փաշինյանն այցելի իր որդու գերեզմանին.

«Փաշինյանն անկոչ հյուր է այստեղ, ես չեմ ուզում` գա իմ երեխու տուն. Եռաբլուրն իմ երեխու տունն է»,–ասաց Արմեն Գալստյանը։

Մինչ հայրը պատմում էր որդու պատմությունը, այդ ժամանակ արդեն իսկ պաշտոնյաները Եռաբլուր եկան։ Զոհվածի հորը ոստիկանները հեռացրին տարածքից։

Զոհված զինծառայող Զաքար Ավանեսյանի մայրն էլ լրագրողների հետ զրույցում նշեց, որ «մայրերը սգի մեջ են, ջահելների տարին չի լրացել, իսկ հրապարակում գունագեղ համերգ են պատրաստվում անել»:

Հավելենք, որ լրագրողներին թույլ չեն տալիս առաջանալ և հարցեր ուղղել պաշտոնյաներին. կարմիրբերետավորները փակել են լրագրողների ճանապարհը:

 Լուսանկարներ

  Կիսվեք սոցցանցերում


 Պիտակներ
         Նիկոլ Փաշինյան, սեպտեմբերի 21, Եռաբլուր, Անկախություն

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon