100 միլիոն դրամ Երևանից՝ Ստեփանակերտին

Երևանի ավագանու արտահերթ նիստն այսօր մեկնարկեց մեկ րոպե լռությամբ՝ ավագանու անդամները հարգեցին հանուն հայրենիքի իրենց կյանքը նվիրած զինվորների հիշատակը:

Ավագանին քննարկեց ու միաձայն համաձայնություն տվեց Երևանի 2020 թվականի բյուջեի պահուստային ֆոնդից 100 միլիոն դրամ հատկացնելու որոշմանը:

Այդ գումարն ուղղվելու է պատերազմի հետևանքով  Ստեփանակերտի վնասված  քաղաքացիական ենթակառուցվածքների և օբյեկտների վերականգնման կապիտալ աշխատանքների իրականացմանը: