Արմեն Խաչատրյան. Բա քե՞զ քանի դատ ու դատարան պիտի դատի, Սյամո

Հայտնի հարցազրույցում Սյամոն անընդհատ կրկնում էր, որ դատվելու են ու որ չեն թողել իրեն բանակցությունների միջոցով ստանան ավտոնոմիա: Մի հարցազրույցի ուղիղի կեսը ասել է՝ քննություն, դատարան, դատվել, ավտոնոմիա: Հակված էլ չեմ շատ ասածների հավատալ, էդ թվում էդ ավտոնոմիային, թեեւ չեմ բացառում, որ ինչ որ բաների դիմաց հնարավոր է եւ խոստում էլ ստացած լինի:

Հիմա ուրիշ տեսնակյունից էլ նայենք քննությանը, դատարանին, պատասխան տալուն:
Ինքը ստացել է կորսված, պարտված Արցախի համար խոստում՝ ավտոնոմիա ու ազգային գվարրդիա ստանալու համար ու դավաճան ու հանցագործ ա համարում, որ էդ նույն մսխված Արցախի ինքնուրույնության վերջին հույսը կործանել են: Շատ ճիշտ է, եթե էդպես է:

Բա քեզ քանի դատ ու դատարան պիտի դատի, Սյամո, քանի քննություն պիտի քո դավաճանության չափը պարզի, որ 97-98-ին տապալեցիր-տապալեցիք Լաչինով ու Քելբաջարով, հայկական բանակով, իշխանության բոլոր ատրիբուտներով, հայկական դրամով, հայկական անձնագրով, միջազգային լրջագույն երաշխիքներով, միջազգային ճանաչումով, խաղարար ու անվտանգության զոնայով, խաղաղարար-խաղաղապահով ու պետական ու միջազգային ամենաբարձր մակարդակով եւ երաշխիքներով բանակցված ու համաձայանեցված պայմանագիրը: Բանակցությունները շանտաժով ու սպառնալիքով տոռպեդահարելը ու Արցախյան կարգավորումը “ոչ մի թիզ հողի” հուն փոխելն էլ հերոսությունդ է՞ր: Ուր է քո “ծովից ծով Արցախը”: Նախ մեղայականով գնա սրա համար ներկայացի քննություն-դատարանին, հետո ուրիշների դավաճանությունը մտցրու աչքները:

Հ.Գ. Ռոբն ու Սերժը չթպրտան, հավասար հանցակիցներ են ու հավասար պատասխանատու:
Հ.Գ. Նիկոլի մեղքը սա չի քչացնում: Հակառակը, Սյամոն դեռ տաք էր, նոր էր թուրը պատյան դրել, Նիկոլը 25 տարվա հեռավորությունից պարտավոր էր հասկանալ, թե ուր է տանում այս արկածախնդրությունը: Դրանից Նիկոլի մեղքը կրկնակի ծանր է:
Հ.Գ. Ու չեմ հասկանում էն բացականչությունները, թե՝ վայ, բան, եթե սա ճիշտ ա, ուրեմն պիտի բոլորին դատել: Ասեցի, թե ումից է պետք սկսել դատելը:

Արմեն Խաչատրյան