Արթուր Օսիպյանն ազատ կարձակվի, հացադուլը չի դադարեցրել

Oրեր տևած նստացույցից, քաղհասարակության մի քանի դիմումներից հետո արցախցի ակտիվիստ Արթուր Օսիպյանը ազատ է արձակվել, «Ազատությանը» փոխանցեցին Քրեակատարողական ծառայությունից:

Հիշեցնենք, որ Արթուր Օսիպյանը ձերբակալվել է 2026թ․ մայիսի 18-ին Նիկոլ Փաշինյանի հետ վիճաբանությունից հետո, երբ քարոզարշավի ժամանակ մոտեցել էր Փաշինյանին և քննադատել նրան։

Նիկոլ Փաշինյանը կոշտ բառապաշարով հակադարձել էր Օսիպյանին․ «... Ռադդ քաշի, համբալի մեկը: «Արթուր Օսիպյանն եմ», գլուխդ պատին ես տվել, գնայիր զոհվեիր մեր էրեխեքի տեղը: «Արթուր Օսիպյանն եմ», թալանչի անասուններ: Դու խի՞ ես կենդանի, որ մի հատ էլ հինգ հազար զոհի մասին ես խոսում, ա՛յ տականք»,- ասել է վարչապետի աթոռը զբաղեցրածը: 

Կալանավորվելուց հետո Օսիպյանն առ այսօր հացադուլի մեջ է։ Երեկ նրա փաստաբանը տեղեկացրեց, որ Օսիպյանը հրաժարվել է բժշկական զննությունից: «Ընդհանրապես արդեն հացադուլավորների մոտ մահվան վտանգ է լինում, երբ անցնում է 14-օրյա շեմը։ Այդ ժամանակ արդեն կյանքը ցանկացած պահի կարող է դադարել»,-  ասել էր փաստաբան Դավիթ Հովհաննիսյանը:
Նշենք, որ Օսիպյանն ավելի վաղ հայտարարել է, որ  հացադուլը կդադարեցնի այն ժամանակ, երբ Փաշինյանը ներողություն խնդրի իրենից։