Բաքվում համանախագահները հանդիպել են ԼՂ-ի ադրբեջանական համայնքի ղեկավարի հետ

ԵԱՀԿ Մինսկի խմբի համանախագահները մայիսի 27-ից 30-ը այցելել էին  տարածաշրջան:  Նրանք  հայտարարությամբ ամփոփել են այցը։

Համանախագահները  հանդիպել են վարչապետ Նիկոլ Փաշինյանի եւ Իլհամ Ալիեւի  հետ։

Երկու մայրաքաղաքներում նրանք խորհրդակցություններ են անցկացրել արտաքին գործերի նախարարների եւ պաշտպանության նախարարների հետ: Մայիսի 28-ին համանախագահները հանդիպել են  Լեռնային Ղարաբաղի իշխանությունների հետ:

Բաքվում համանախագահները հանդիպել են Լեռնային Ղարաբաղի ադրբեջանական համայնքի ղեկավարի հետ:

Ըստ  հաղորդագրության՝ Հայաստանի եւ Ադրբեջանի արտաքին գործերի նախարարները ընդունել են համանախագահների առաջարկը շուտով իրենց հովանու ներքո հանդիպելու եւ մոտ  ժամանակներում մանրամասներ  կներկայացնեն:

Համանախագահները խորը մտահոգություն են հայտնել վերջին շրջանում զոհերի կապակցությամբ եւ կոչ են արել կողմերին զսպվածություն ցուցաբերել։