Դավիթ Տոնոյան․ Կարծում եմ՝ մեր զինծառայողը աշխարհագրորեն մոլորվել է (տեսանյութ)
Ադրբեջանում հայտնված զինծառայող Արայիկ Ղազարյան դեպքին անդրադառնալով՝ Պաշտպանության նախարար Դավիթ Տոնոյանը լրագրողների հետ զրույցում նշեց, որ դեռ հետաքննություն է իրականացվում տեղի ունեցածի վերաբերյալ։
«Բայց ես անձամբ կարծում եմ, որ մեր զինծառայողը աշխարհագրորեն մոլորվել է»,- նշեց նա։
Խոսելով ադրբեջանական կողմի տարածած տեղեկություններից, թե իբրև զինծառայողի նկատմամբ զորամասում անմարդկային վերաբերմունք են դրսեւորել, նախարարը նշեց, որ դա հակառակորդի տեղեկատվական քարոզչության արդյունք է․
«Չեմ կարծում, թե անհրաժեշտ է տարածել այդ տեղեկատվությունը, որովհետև ես ներքին համոզմունք ունեմ, որ նա ուղղակի մոլորվել է»,- ասաց նախարարը՝ հավելելով, որ միջազգային համապատասխան կառույցներին դիմել են, որպեսզի զինծառայողին վերադարձնելու ուղղությամբ աշխատանքներ տարվեն։
Տեսանյութը՝ Azatutyun.am-ի